LB paraqet para tryezës materialin për platformën politike
20.06.2018 · Lëvizja për Bashkim
Edhe në tryezën e katërt me radhë të partive politike, të organizuar nga PSD, u vazhdua avazi i vjetër i diskutimeve pa rezultat dhe duke u marrë me formën e formatin e bisedimeve e jo me përmbajtjen e tyre, pra me nevojën urgjente që e ka Kosova për një platformë politike për bisedimet me Serbinë.
Lëvizja për Bashkim ka qenë e bindur dhe mbetet e palëkundur se para se të bisedojmë se kush duhet të shkojë në bisedime me Serbinë shumë më e rëndësishme është që Kosova ta ketë platformën e saj e pastaj e t’i zgjedh negociatorët.
Prandaj, Lëvizja për Bashkim, në tryezën e katërt të partive politike, ua dorëzojë atyre materialin me parimet bazike që sipas LB-së duhet t’i përmbajë platforma jonë politike në bisedimet me Serbinë.
Lëvizja për Bashkim
Prishtinë, 20.6.2018